Øff Roaders Club Georgia

მორიგი გამარჯვება საზღვარგარეთ

admin — Mon, 02 Apr 2012 14:31:23 +0000

25 მარტს სომხეთში – იჯევანში ჩატარდა ოფროუდ შეჯიბრი ”ბილაინ ექსტრიმ 2012”
ქართული ოფფ როუდის წარმომადგენლებიც იღებდნენ მონაწილეობას ზემოთ აღნიშნულ შეჯიბრში და მორიგ გამარჯვებას მიაღწიეს.

შეჯიბრის სახეობა გახლდათ თრაიალი, ხოლო ტრასა საკმაოდ რთული იყო ცვალებადი რელიეფის გამო.
ბილაინ ექსტრემში სამი საასპარეზო კატეგორია იყო : სტანდარტი, მონსტრები და ექსტრემი.

მონაწილეებს გამოსვლისას უწევდათ მონაცვლეობით გადაელახათ ფხვიერი გრუნტი, ბეტონის კედლები და მდინარის კალაპოტში არსებული ქვიანი რელიეფი.

შეჯიბრის მიმდინარეობას ართულებდა მაყურებლის ქაოტური მოძრაობა ტრასაზე, რაც უსაფრთხოების ნორმებიდან აბსოლუტური გადახვევა იყო.

საბოლოოდ ქართველი ოფფ როუდერებიდან საპრიზო ადგილები მიპოვეს:
კატეგორია სტანდარტი
II ადგილი – ვახო შერგელაშვილი/გიორგი ლონდარიძე

კატეგორია მონსტრები
II ადგილი – დავით საძაგლიშვილი/ირაკლი ბეროშვილი
III ადგილი – ვასილ გაგნიძე/იოანე ყიფშიძე

კატეგორია ექსტრიმი
I ადგილი – დავით/სოსო მამუკაშვილები
III ადგილი – თემო შერგელაშვილი/ლევან ნიორაძე

გამარჯვებულებს კლუბის წევრებმა და გულშემატკივრება სპეციალური დახვედრა მოუწყვეს ვარდების მოედანზე.

Bakuriani 2012

admin — Mon, 27 Feb 2012 17:34:34 +0000

2012 წლის 26 თებერვალს დაბა ბაკურიანში საქართველოს ოფროუდ კლუბისა და ექსტრემალური სპორტის ეროვნული ფედერაციის ორგანიზებით ჩატარდა სპორტული ღონისძიება ”ბაკურიანი 2012” .

ღონისძიების სპონსორები და პარტნიორები გახლდათ: სპორტისა და ახალგაზრდულ საქმეთა სამინისტრო, თეგეტა მოტორსი, ნავთობკომპანია ”გალფი” და outdoor.ge. შეჯიბრს ესწრებოდა და მონაწილეობას იღებდა (თოვლმავლების კატეგორიაში) მინისტრი ლადო ვარძელაშვილი.

შეჯიბრის სახე გახლდათ თრაიალი (წრიული ტრასის დაძლევა დროში), რომელიც რამოდენიმე დისციპლინას (თუ შეიძლება ასე ვუწოდოთ) მოიცავდა.

შეჯიბრის ტრასაზე გამოდიოდნენ თოვლმავლები (ბურანი), მოტოციკლები და Off –road მანქანები.

ოფფ-როუდ შეჯიბრის ნაწილი 3 კატეგორიად იყოფოდა:

სტანდარტი – სადაც მანქანები მათი საბურავების ზომის მიხედვით ხვდებოდნენ და არ ჰქონდათ რაიმე სახის ცვლილება – ქარხნული მოცემულობის გარდა.

მონსტრები – კატეგორია, რომელშიც ხვდებოდნენ გრძელი ბაზის მქონე ავტომობილები .

ექსტრემი – მანქანათა კლასი, რომლებსაც დამატებული ჰქონდათ სხვადასხვა სახის დეტალები თუ ატრიბუტიკა, ქარხნული მოცემულობის გარდა.

ყველა დისციპლინას თავისებური ეშხი ჰქონდა, თუმცა ყველაზე მოსაწყენი ალბათ მაინც მოტო შეჯიბრი გახლდათ რადგან ”ბაიკები” არ იყო მზად იმ პირობებისთვის რაშიც ისინი მოხვდნენ, თუმცაღა ვერ დავუკარგავთ მონაწილებს მონდომებასა და შემართებას.

შეჯიბრში მონაწილეების რაოდენობა შემდეგნაირი გახლდათ:

თოვლმავლები – 12 მონაწილე

მოტოები – 7 მონაწილე

ოფფ როუდი – 37 ეკიპაჟი

შეჯიბრს სტუმრობდნენ თურქი და სომეხი ეკიპაჟებიც, რომლებმაც საკმაოდ წარმატებულად იასპარეზეს.

ტურნირის მიმდინარეობისას იყო ავტომობილის დაზიანებებიც, თუმცა ყველა მონაწილე ჯამრთელი და ბედნიერი გადარჩა.

ყველაზე სერიოზული აღმოჩნდა 103 ეკიპაჟის (სტანდარტის კატეგორია) დაზიანება რომელიც მანქანის დაუმორჩილებლობის გამო გადაბრუნდა და სახურავზე დაეცა.

დანარჩენი მონაწილეები ნამქერებზე მსუბუქი შეჯახებებითა და ”გაჭედვით” გამოძვრნენ.

შეჯიბრის მიმდინარეობისას საკმაოდ ბევრჯერ გახდა საჭირო სამაშველო ეკიპაჟების შეგზავნა ტრასაზე რათა გაჭედილი მონაწილეები დაებუქსირებინათ და გამოეყვანათ სამშვიდობოს.

მონაწილეების თქმით შეჯიბრს ართულებდა ფხვიერი და გაუტკეპნავი თოვლი, რაც ყოველი მონაწილის გავლის შემდეგ ახალ მიმართულებასა და ლიანდებს იძენდა, ხოლო ყოველი შემდგომი მონაწილე (მანქანის სიმძიმისა და ზომის მიხედვით) ცდილობდა დაეძლია ეს წინააღმდეგობა ან გაეკვალა საკუთარი გზა.

საბოლოოდ აპარეზობა ძალიან საინტერესო საყურებელი გამოდგა , როგორც თოვლმავლებისა და მოტოციკლების ასევე ოფფ როუდის კუთხით.

ექსტრიმი არც მაყურებლებს აკლდათ, თოვლიანი და ქარიანი ამინდი ზოგჯერ მხედველობას ისე ზღუდავდა რომ გულშემატკივარი ტრასის ნახევარსაც ვეღარ ადევნებდა თვალს.

გვიან საღამოს გაიმართა დაჯილდოვების ცერემონიალი რომელსაც თან ახლდა სნოუბორდერებისა და მოთხილამურეების შოუ , ხოლო დაჯილოდვების დასრულებისას საღამო დააგვირგვინა გოგონების შოუ – ჩვენებამ.

კომპანია “გალფმა” გამარჯვებულებს საწვავის ტალონები გადასცა, ხოლო მომსახურების ვაუჩერებით ისინი “თეგეტა მოტორსმა” დააჯილდოვა.

გამარჯვებულები კატეგორიების მიხედვით:

კატეგორია სტანდარტი:

1. გარი გასპარიან (სომხეთი) – (101) – Mitsubishi Pajero

2. პაატა წაქაძე – (106) – Mitsubishi Pajero

3. ლაშა გორგაძე – (107) – Mitsubishi Pajero

კატეგორია მონსტრები:

1. დავით კოზანაშვილი – (202) – Jeep Cherokee

2. ვასილ გაგნიძე – (205) – Toyota LC prado 78

3. ლევ უნანოვი – (204) – Toyota Hilux

კატეგორია ექსტრიმი:

1. სანდრო ცხადაძე – (312) – Toyota LC 80

2. დავით მამუკაშვილი – (323) – Jeep Wrangler

3. ვახტანგ ფიცხელაური – (324) – Nissan Patrol

კატეგრია მოტოციკლები:

1. გიორგი ცისკარიშვილი – (406)

2. ბესო დევდარიანი – (408)

3. დავით ლობჟანიძე – (402)

კატეგორია თოვლმავლები:

1. თემურ ხაჩატურიანი – (507)

2. ლევან თურმანიძე – (501)

3. შაკო სირაძე – (508)

სრული შედეგები იხილეთ აქ

http://off-road.ge/forum/index.php?showtopic=12515

გამარჯვება ქებელე 2012–ზე

admin — Sun, 05 Feb 2012 15:43:11 +0000

2012 წლის 29 იანვარს აზერბაიჯანში , კერძოდ კი კურორტ ქებელეში გამიართა ოფფ როუდ შეჯიბრი.

შეჯიბრის სახეობა გახლდათ თრაიალი, რომელშიც მონაწილეობას იღებდნენ 4X4-ზე ავტომობილები , 3 სხვადასხვა კატეგორიაში.

შეჯიბრი საკმაოდ რთულ კლიმატურ პირობებში მიმდინარეობდა თუმცა მის წარმატებასა და სამართლიან განვითარებას 32 მსაჯი აკვირდებოდა, რომელთაც მთავარი მსაჯი, ქართული ოფფ როუდის წარმომადგენელი მაია გოშაძე ხელმძღვანელობდა.

აზერბაიჯანის შეჯიბრებაზე ყველაზე რთულ, TR3 კატეგორიაში სამივე საპრიზო ადგილი ქართველებმა აიღეს.

I ადგილი – 320 გიორგი ღვინჯილია

II ადგილი - 317 დათო მამუკაშვილი

III ადგილი – 315 შალვა სირაძე

შეჯიბრებაში კიდევ მონაწილეობდა რამოდენიმე ქართული ეკიპაჟი თუმცა სამწუხაროდ მათ საპრიზო ადგილების აღება ვერ მოახერხეს.
წარმატებული ასპარეზობის შემდეგ ოფროუდერებს ქალაქში დარჩენილმა კლუბელებმა საინტერესო დახვედრა მოუწყეს.

Orienteering 2011 / ორიენტირება 2011

giga — Sun, 27 Mar 2011 06:51:32 +0000

დადგინდა 2011 წლის პირველი შეჯიბრის ჩატარების თარიღი.

ტრადიციულად სეზონს GPS ორიენტირება გახსნის.

ჩატარების ადგილი საიდუმლოა
ჩატარების დრო 9-10 აპრილი.

იხილეთ
თემა ფორუმზე და ტექ. მოთხოვნები

წარმოდგენის შესაქმნელად -- 2009 წლის PS-ის სიუჟეტი
www.youtube.com/watch?v=Z9DUfJds0pc

Adjara Trophy 2010

admin — Wed, 01 Dec 2010 12:06:07 +0000

4-5 დეკემბერს, საქართველოს ექსტრემალური ავტოტურიზმის კავშირ “ოფროუდ კლუბის” ორგანიზებით, გაიმართება ტროფი რეიდის ტიპის სპორტული გარბენი “Adjara Trophy – 2010″. ტროფი რეიდი ჩატარდება აჭარის ავტონომიური რესპუბლიკის ტურიზმის დეპარტამენტის მხარდაჭერით. საინფორმაციო მხარდაჭერას უზრუნველყოფს ჟურნალი “ავტობილდი”.
ტროფი რეიდში მონაწილეობას მიიღებენ სპეციალურად მომზადებული ავტომობილები და მათი ეკიპაჟები როგორც საქართველოდან, ასევე თურქეთიდან. “Adjara Trophy – 2010″-ს ფარგლებში, მოეწყობა ფოტო-კონკურსი საუკეთესო ექსტრემალური ფოტოს გამოსავლენად, გამარჯვებულს დააჯილდოვებს აჭარის ა/რ ტურიზმის დეპარტამენტი. გარბენის მონაწილეები მოაწყობენ ტურისტულ ბანაკს მაღალმთიანი აჭარის სოფელ გომარდულში, სადაც შეხვდებიან ადგილობრივ მოსახლეობას და ღონისძიების მხარდამჭერებს. აქვე გაიმართება Trial–ის ტიპის შეჯიბრი.
“Adjara Trophy – 2010″ სტარტს აიღებს 4 დეკემბერს 9.00 საათზე, ქალაქ თბილისში, ვარდების მოედნიდან. რეიდის მონაწილეები გაივლიან მცხეთა-მთიანეთის, შიდა ქართლის, სამცხე-ჯავახეთის ადმინისტრაციულ ტერიტორიებზე და მაღალმთიანი აჭარის გავლით ჩავლენ ბათუმში.
რეიდის სტარტი 4 დეკემბერი 9.00 საათი, ქ. თბილისი, ვარდების მოედანი.
“ოფროუდ კლუბი საქართველო” უზრუნველყოფს გადამღები ჯგუფების გადაყვანას გარბენის მსვლელობისას.

Apaven Trophy

admin — Thu, 28 Oct 2010 10:06:51 +0000

30-31 ოქტომბერს, ქართველი ოფროუდერები ერევანში გამართულ ოფროუდ ტურნირზე იასპარეზებენ.
სომხეთში, ერევანის მიმდებარე ტერიტორიაზე, გაიმართება ტროფი ორიენტირების ტიპის შეჯიბრი, სადაც 2 ქართული და ერთი ქართულ-სომხური ეკიპაჟი, სომეხი და ირანელი ავტოსპორტსმენების წინააღმდეგ, საპრიზო ადგილებისთვის იბრძოლებს.
ტროფი-ორიენტირების ტიპის შეჯიბში, ეკიპაჟებმა უნდა იპოვონ რთულად მისადგომ ადგილებში განთავსებული წერტილები, წინასწარ მოცემული ნახაზის (“ლეგენდის”) მეშვეობით. გამარჯვებულად ცხადდება ეკიპაჟი, რომელიც უკეთეს დროში მეტ წერტილს დალაშქრავს.
ქართველი ოფროუდერები, მეორედ მონაწილეობენ სომხეთში გამართულ ოფროუდ ტურნირში. 13 ივნისს, სომხეთში გამართულ TRIAL-ის ტიპის შეჯიბრში Armtrial 2010, საქართველოს სახელით მოასპარეზე დავით ბარძიმაშვილმა მეორე ადგილი დაიკავა და ვერცხლის მედალი მოიპოვა.
ტურნირის ორგანიზატორია სომხეთის ოფროუდ მოძრაობა, ქართული ეკიპაჟების სომხეთში გამგზავრებას უზრუნველყოფს საქართველოს ექსტრემალური ავტოტურიზმის კავშირი – Off-Roaders Club Georgia. ქართული ეკიპაჟების მხარდამჭერია Red Bull და საქართველოს სპორტისა და ახალგაზრდობის საქმეთა სამინისტრო.
ქართული ეკიპაჟები სომხეთში 29 ოქტომბერს, 21.00-ზე, რესპუბლიკის მოედნიდან გაემგზავრებიან.
მონაწილე ეკიპაჟები:
1. ლევან კინწურაშვილი – ნიკოლოზ ვარძელაშვილი
2. გიორგი გონაშვილი – დავით მამუკაშვილი
3. კონსტანტინე კოხრეიძე – მიჰრან სტეპანიანი

Extreme 2010 – შედეგები

admin — Thu, 01 Jul 2010 08:22:58 +0000

27 ივნისს, თბილისში, დიდი დიღმის მიმდებარე ტერიტორიაზე, გაიმართა საერთაშორისო ოფროუდ ტურნირი “ექსტრიმი-2010″.
ტურნირი გაიამრთა საქართველოს ექსტრემალური ავტოტურიზმის კავშირი “ოფროუდ კლუბის” ორგანიზებით, ვებპორტალი “ადრენალინე.გე”-ს მიერ ორგანიზებული ექსტრიმის კვირეულის ფარგლებში. ოფიცილაური მხარდამჭერები – თბილისის მერია და სპორტისა და ახალგაზრდობის საქმეთა დეპარტამენტი. სპონსორები – “ბალი”, მაღაზია “4 ვე-დე”, “ჰაიდელბერგ-ცემენტი”.

“ექსტრიმი-2010″-ს მონაწილე პრეტენდენტებს მაქსიმალურად მოკლე დროში უნდა დაეძლიათ წინასწარ განსაზღვრული ტრეკის რთულად გადასალახი მონაკვეთები, ბუნებრივი თუ სპეციალურად შექმნილი ბარიერებით.
ტურნიში მონაწილეობდნენ საქართველოსა და სომხეთის, წარმომადგენელი როგორც პროფესიონალი, ისე მოყვარული ავტოსპორტსმენები. უსაფრთხოების ზომების მაქსიმალურად უზრუნველსაყოფად, თბილისი მერიის მიერ მობილიზებული იყო სასწრაფო დახმარების და სახანძრო ავტომანქანები, ასევე, ორგანიზატორეის მოთხოვნით, მონაწილე ეკიპაჟებისთვის სავალდებულო იყო უსაფრთხოების ღვედები, დამცავი ჩაფხუტები, ცეცხლმაქრი და ავტო-აფთიაქი.
შეჯიბრი ჩატარდა 3 ჩათვლით კატეგორიაში:

• სტანდარტი – სტანდარტული ავტომობილები მინიმალური გადაკეთებით;
• მონსტრები – 4 კარიანი ავტომობილები მინიმალური გადაკეთებით;
• ექსტრიმი – სპეციალურად მომზადებული ავტომობილები;

საპრიზო ადგილები მოანწილეთა შორის ასე გადანაწილდა:

კატეგორია “სტანდარტი”
1) სევადა ასატრიანი/ემილ მკრტჩიანი – NIVA21213 – 02:07
2) გიგა მურღულია/ვერა მურღულია – Landrover Defender 90 – 02:13
3) გოირგი გაბრიჩიძე/ალექსანდრე შეყილაძე – Niva 21213 – 02:48

კატეგორია `მონსტრები~
1) დავით საძაგლიშვილი/პაატა წაქაძე – Landrover Discovery I – 02:23
2) რევაზ სახვაძე/გიორგი შავიძე – Jeep Grand Cherokee – 02:35
3) ელმან მაჰმუდოვი/გიოგრი ზაალიშვილი – Toyota Hilux – 02:46

კატეგორია `ექსტრიმი~
1) დავით ლობჟანიძე/ნიკოლოზ ჩაჩხიანი – Suzuki Jimny Wide – 02:32
2) დავით მამუკაშვილი/ემზარ გალუაშვილი – Jeep Wrangler – 02:48
3) ვახტანგ ფიცხელაური/დავით მეშვილდიშვილი – Nissan Safari - 02:53

Extreme 2010

admin — Tue, 22 Jun 2010 19:43:23 +0000

27 ივნისს, თბილისში, დიდი დიღმის მიმდებარე ტერიტორიაზე, გაიმართება საერთაშორისო ოფროუდ ტურნირი “ექსტრიმi-2010″
ტურნირის ორგანიზატორია საქართველოს ექსტრემალური ავტოტურიზმის კავშირი “ოფროუდ კლუბი” და ვებ პორტალი adrenaline.ge, ოფიციალური მხარდამჭერები – თბილისის მერია და სპორტის და ახალგაზრდობის საქმეთა დეპარტამენტი, სპონსორები – მაგთი, მაღაზია “4 ვედე”, ჰაიდელბერგცემენტი. ტურნირი უკვე მეორე წელია ექსტრემალური სპორტის კვირეულის ფარგლებში იმართება.
“ექსტრიმი-2010″ განეკუთვნება “ტრიალის” ტიპის შეჯიბრს და მასში მონაწილე პრეტენდენტებმა უნდა დაძლიონ წინასწარ განსაზღვრული ტრეკის რთულად გადასალახი მონაკვეთები, ბუნებრივი თუ სპეციალურად შექმნილი ბარიერებით. გამარჯვებულად ითვლება საუკეთესო დროის მქონე სპორტსმენი.
შეჯიბრი ჩატარდება 4 ჩათვლით კატეგორიაში:
• სტანდარტი – სტანდარტული ავტომობილები მინიმალური გადაკეთებით;
• მონსტრები – სტანდარტული 4 კარიანი ავტომობილები მინიმალური გადაკეთებით;
• ექსტრიმი – სპეციალურად მომზადებული ავტომობილები;
• კვადროციკლები
ტურნიში მონაწილეობენ საქართველოს, სომხეთის, აზერბაიჯანის და ირანის წარმომადგენელი პროფესიონალი სპორტსმენები. შეჯიბრში მონაწილეობა ასევე შეუძლიათ იმ მოყვარულ ავტომობილისტებს, რომლებიც დააკმაყოფილებენ რეგლამენტით გათვალისწინებულ მინიმალურ მოთხოვნებს.
უსაფრთხოების ზომების მაქსიმალურად უზრუნველსაყოფად, მონაწილე ეკიპაჟებისთვის სავალდებულოა უსაფრთხოების ღვედები, დამცავი ჩაფხუტები, ცეცხლმაქრი და მინი-აფთიაქი.

Armtrial 2010

admin — Wed, 16 Jun 2010 20:04:59 +0000

13 ივნისს, სომხეთში გამართულ საერთაშორისო ოფროუდ ტურნირზე – “არმტრიალ 2010″, საქართველოს სახელით მოასპარეზე ეკიპაჟმა II ადგილი და ვერცხლის მედალი მოიპოვა. ურთულესი ტრასის ბოლომდე გავლა და დაფინიშება TR2 ჩათვლით ჯგუფში სულ ორმა ეკიპაჟმა მოახერხა და აქედან ერთი – ჩვენი კლუბის წევრი დავით ბარძიმაშვილია.

მან TR2 კატეგორიის ფინიშს მაქსიმალურად მოკლე დროში მიაღწია და საუკეთესო დრო აჩვენა, თუმცა საჯარიმო ქულების გამო, მსაჯებმა უპირატესობა სომეხ მონაწილეს მიანიჭეს, რის გამოც ბარძიმაშვილი ვერცხლის მედალს დასჯერდა.

აღსანიშნავია, რომ ამ კატეგორიაში, ტრასის სირთულის გამო, ვერცერთმა სხვა მონაწილემ ვერ დააფინიშა და ეს ერთი-ორად ზრდის ქართველი ოფროუდერის გამრჯვების მნიშვნელობას.

უნდა აღინიშნოს, რომ ტრასა იყო ურთულესი და მიუხედავად შეჯიბრის სახელწოდებისა “TRIAL”, ეს არ იყო ტრიალის ტიპის შეჯიბრი. შესაბამისად, ქართული ეკიპაჟები, რომლებიც ტრიალის ტიპის შეჯიბრისთვის იყვნენ მომზადებული, ადგილზე ჩასვლისას აბსოლუტურად განსხვავებული ტიპის ტრასის წინაშე აღმოჩნდნენ, რაც ავტომანქანების დამატებით მომზადებას ითხოვდა და მოუმზადებელი ეკიპაჟებისთვის დაზიანების რისკს მაქსიმუმადე ზრდიდა.

აქედან გამომდინარე, რამდენიმე ეკიპაჟმა, რომლებიც ტურნირის უდავო ფავორიტებად ითვლებოდნენ, უარი განაცხადეს მონაწილეობაზე. ქართული დელეგაცია პირველად მონაწილეობდა საქართველოს საზღვრებს გარეთ ჩატარებულ საერთაშორისო ოფროუდ ტურნირში. ამ დრომდე, საერთაშორისო დონის ოფროუდ ტურნირები, კავკასიის მასშტაბით, მხოლოდ საქართველოში ტარდებოდა.

დამატებითი ფოტო ვიდეო მასალა და კომენტარები იხილეთ ჩვენს ფორუმზე http://off-road.ge/forum/index.php?showtopic=6948

ზურაბ მეტრეველი

ჟატი 2010 დაჯილდოვება

admin — Mon, 26 Apr 2010 19:26:19 +0000

17 აპრილს, საერთაშორისო ოფროუდ ტურნირ “ჟატი 2010″-ის გამარჯვებულთა დაჯილდოების ცერემონიალი გაიმართა.
ტროფი-ორიენტირება “ჟატი 2010″, “ოფროუდერს კლუბის” ორგანიზებით, კახეთის რეგიონში, სოფელი პატარძეულისა და ხაშმის მიმდებარე ტერიტორიაზე 11 აპრილს გაიმართა. სპონსორები – მაღაზია “4ვე-დე”, “ჰაიდელბერგ ცემენტი”, საფოსტო გადაზიდვების კომპანია – “მულტიექსპრესი”.
ტურნირი “ჟატი 2010″ განეკუთვნება ტროფი ორიენტირების ტიპის შეჯიბრს. ამ ტიპის შეჯიბრები ტარდება ავტოტრანსპორტისთვის ძნელად მისადგომ და გაუკვალავ ადგილებში. მონაწილე ეკიპაჟებს ევალებოდათ, GPS ნავიგატორებისა და სპეციალური ტოპო-რუკების დახმარებით, რთულად მისადგომ ადგილებში განთავსებული რამდენიმე ათეული წერტილის მიკვლევა და დალაშქვრა, ამასთანავე, ხელოვნურად თუ ბუნებრივად შექმნილი წინააღმდეგობების გადალახვა.
შეჯიბრში მონაწილეობდნენ – საქართველოს, სომხეთისა და აზერბაიჯანის უმაღლესი კატეგორიის სპორტსმენები. ტურნირში მონაწილეობა 42-მა ეკიპაჟმა მიიღო.
საპრიზო ადგილები ასე განაწილდა:

კატეგორია TR1 – სერიული ავტომობილები მინიმალური გადაკეთებით:

1 ადგილი – ეკიპაჟი #112, ავტომანქანა Niva 2121, სანდრო ბალიაშვილი, ანდრო კვატაშიძე (საქართველო);
2 ადგილი – ეკიპაჟი #109, ავტომანქანა Niva 21214, ასატრიან სევადა, გარნი გასპარიან (სომხეთი);
3 ადგილი – ეკიპაჟი #118, ავტომანქანა Jeep Wrangler, გიორგი იშხნელი, ლუკა ფარეიშვილი (საქართველო)

კატეგორია TR2 – მომზადებული სერიული ავტომობილები:

1 ადგილი – ეკიპაჟი #209, ავტომანქანა Jeep Wrangler, დავით მამუკაშვილი, გია ხეჩუაშვილი (საქართველო);
2 ადგილი – ეკიპაჟი #203, ავტომანქანა Suzuki Samurai, არჩილ მელაძე გიორგი ბენდელავა (საქართველო);
3 ადგილი – ეკიპაჟი #201, ავტომანქანა Toyota 4Runner, ირაკლი ჩიქავა, მამუკა როსტიაშვილი (საქართველო);

კატეგორია TR3 – სპეციალურად მომზადებული ავტომობილები:

1 ადგილი – ეკიპაჟი #311, ავტომანქანა Toyota Land Cruiser 71, ნიკოლოზ ჩიქოვანი, დავით სულიკაშვილი (საქართველო);
2 ადგილი – ეკიპაჟი #306, ავტომანქანა Toyota Land Cruiser 71, ირაკლი ჩიქოვანი, შალვა ზამთარაძე (საქართველო);
3 ადგილი – ეკიპაჟი #307, ავტომანქანა Mitsubishi Pajero, ვასილ გახელაძე, იაგო გუგუტიშვილი (საქართველო).

წლის საუკეთესო შტურმანად გიორგი მარჯანიძე დასახელდა (ეკიპაჟი #211, Susuki Samurai, დავით დობორჯგინიძე, გიორგი მარჯანიძე, საქართველო)
გამარჯვებულებს მედლები, სიგელები და მაღაზია “4ვე-დეს” მიერ დაწესებული პრიზები გადაეცათ.

შეჯიბრის დეტალური შედეგები იხილეთ ოფიციალურ საიტზე http://orient.offroad.ge

17 aprils, saerTaSoriso ofroud turnir `Jati 2010~-is gamarjvebulTa dajildoebis ceremoniali gaimarTa.

trofi-orientireba `Jati 2010~, `ofrouders klubis~ organizebiT, kaxeTis regionSi, sofeli patarZeulisa da xaSmis mimdebare teritoriaze 11 aprils gaimarTa. sponsorebi – maRazia `4ve-de~, `haidelberg cementi~, safosto gadazidvebis kompania – `multieqspresi~ .

turniri `Jati 2010~ ganekuTvneba trofi orientirebis tipis Sejibrs. am tipis Sejibrebi tardeba avtotransportisTvis Znelad misadgom da gaukvalav adgilebSi. monawile ekipaJebs evalebodaT, GPS navigatorebisa da specialuri topo-rukebis daxmarebiT, rTulad misadgom adgilebSi ganTavsebuli ramdenime aTeuli wertilis mikvleva da dalaSqvra, amasTanave, xelovnurad Tu bunebrivad Seqmnili winaaRmdegobebis gadalaxva.

SejibrSi monawileobdnen – saqarTvelos, somxeTisa da azerbaijanis umaRlesi kategoriis sportsmenebi. turnirSi monawileoba 42-ma ekipaJma miiRo.

saprizo adgilebi ase ganawilda:

kategoria TR1 - seriuli avtomobilebi minimaluri gadakeTebiT:

1 adgili – ekipaJi #112, avtomanqana Niva 2121, sandro baliaSvili, andro kvataSiZe (saqarTvelo);

2 adgili – ekipaJi #109, avtomanqana Niva 21214, asatrian sevada, garni gasparian (somxeTi);

3 adgili – ekipaJi #118, avtomanqana Jeep Wrangler, giorgi iSxneli, luka fareiSvili (saqarTvelo)

kategoria TR2 – momzadebuli seriuli avtomobilebi:

1 adgili – ekipaJi #209, avtomanqana Jeep Wrangler, daviT mamukaSvili, gia xeCuaSvili (saqarTvelo);

2 adgili – ekipaJi #203, avtomanqana Suzuki Samurai, arCil melaZe giorgi bendelava (saqarTvelo);

3 adgili – ekipaJi #201, avtomanqana Toyota 4 Runner, irakli Ciqava, mamuka rostiaSvili (saqarTvelo);

kategoria TR3 – specialurad momzadebuli avtomobilebi:

1 adgili – ekipaJi #311, avtomanqana Toyota 71, nikoloz Ciqovani, daviT sulikaSvili (saqarTvelo);

2 adgili – ekipaJi #306, avtomanqana Toyota LC 70, irakli Ciqovani, Salva zamTaraZe (saqarTvelo);

3 adgili – ekipaJi #307, avtomanqana Mitsubishi Pajero, vasil gaxelaZe, iago gugutiSvili (saqarTvelo).

wlis saukeTeso Sturmanad giorgi marjaniZe dasaxelda (ekipaJi #211, Suzuki Samurai, daviT doborjginiZe, giorgi marjaniZe, saqarTvelo)

gamarjvebulebs medlebi, sigelebi da maRazia `4ve-des~ mier dawesebuli prizebi gadaecaT.